Alima Mahama

From Wikipedia
Wɔatwerɛ nsɛm wei ɛwɔ Asante kasa mu

Hajia Alima Mahama (wɔ woo no November da a ɛtɔ 7, afe 1957 wɔ Walewale, Atifi-Apuei manatam mu) yɛ mmaranimfo na na ɔyɛ ɔsafo a ɔhwɛ mmaa ne mmɔfra yiyiedie asoeɛ so fifri janauray afe 2005 kosi January afe 2009 wɔ Ghana bre a John Kuffour yɛ ɔman panyin no. Sesei, ɔyɛ ɔsoafo a ɔhwɛ mpesua ne nkurase amanbuo so. Ghana manpayin Nana Akuffo-Addo na ɔpaw no wɔ January ada a ɛtɔ so 10, afe 2017. Ɔyɛ mmarahyɛ baguani a ogyina hɔ ma Nalerigu/Gambaga mpesua so na ɔyɛ amanyɔkuo New Patriotic Party mu ni.

Nhoma sua[sesa | edit source]

Alima Mahama nyaa ne ntoasoɔ sukuu adesua wɔ Wesly Girls Senior High School a ɛwɔ Cape Coast. ɔtoa n’adesua no so kɔɔ suapɔn a ɛne University of Ghana ma no nyaa abodin krataa wɔ mmaranim mu. Wɔ suapɔn a ɛne Rutgers University ne University of Ottawa no, ɔsan nso nyaa abodin krataa a ɛkyerɛ sɛ w’anya nimdeɛ wɔ amansan ne mpontuo nhyehyɛe mu. ɔsan nso nyaa adansidie krataa fofro firi suapɔn a wɔfrɛ no Institute of Social Studies a ɛwo Netherlands.

Amanyɔsɛm[sesa | edit source]

Ɔsoom wɔ ɔman Panyin John Agyekum Kuffour amammuo sɛ nea edi kan, ɔsoafo a ɔhwɛ mmaa ne mmɔfra yiyiedie, ɔsoafo abadiakyire a ɔhwɛ adwadie na afei ɔsoafo abediakyire a ɔhwɛ mpesua ne nkurase amanbuo so wɔ afe 2001 ne 2008 ntam. Alima Mahama gyinaa amanyɔkuo New Partioitic Party (NPP) amanyɔkuo no din mu Sii akan wɔ afe 2016 abtaoɔ mu ma no de ɔha mu nkyekyɛmu 53 dii nkonim wɔ Nalerigu/Gambaga mpesua so.

Nnwuma afoforo[sesa | edit source]

  • Ɔyɛ Akwankyerefoɔ no mu baako ma ekuo bi wɔfrɛ no Clean Cooking Alliance.

N'asetena mu nsɛm[sesa | edit source]

Alima Mahama wɔ ba baako na afei, ɛwɔ ɔfase a ne din de Randy Adongo